أهليين ! وأخيرًا أول تدونة بعد السنة الجديدة!
اليوم اخترت لكم شي لطييييف من مفضلتي الخاصة .. أحب أتكلم عن الشي اللي أحبه ..
بالنسبة لي لمن أكتشفته كان كأني أكتشفت سر الحياة أو شي زي كدا … ♥♥
الشي الجميل هو Lip Injection Color Bomb من الماركة المفضلة لي حاليًا TOO FACED .. مدري فيني عنه من زمااان !♥
هو عبارة عن منتج للشفاه يجمع خصائص همم حُقن الشفاه؟ مع ألوان براقة وجميلة ليكون منظر الشفاه بعدها صحي وممثلئ.
سعره : الواحد ٢١$ دون الضرايب تقريبا يساوي ٧٩ ريال سعودي . أي أحد شاف السعر بالسعودية ياريت يبلغني عنه لأضيفه ♥
بغض النظر عن التعريف يقولكم بصفحة المنتج بسيفورا إنه يحتوي على فيتامين A,C,E وأيضا زبدة المانجو؟ لضمان الترطيب طول اليوم .
جميل جدا للبنات اللي مايحبو المكياج بنفس الوقت يبغو يبانو صحيات ومشرقات بالصبح بالبيت بالسوق بأي مكان لأنه شكلا غير مبالغ فيه ~
في منه ٦ ألوان أساسا
اللي جربتهم أقصى اليسار الأحمر، الوردي والنيود بالنص.
بالبداية أول شي شريته كان اللون الوردي، بصراحة وبطبيعة الحال ما أحب الألوان الفاتحة، النيود عليا أحسها تبيني ميتة أو مريضة.. وطبعا مو ظريف أروح بماك ريبيل أو روبي وو للجامعة من عز الصبح فقررت أعطي هالشي تجربة…
أول ما حطيته أنحط بسهولة.. دقايق بس وبدأ يلسع xD بس هدي ع طول وصار الفم مرتب وبمظهر أملى عن الطبيعي …
عرفت ساعتها إني لقيت الحب الحقيقي ♥ مو شكل مبالغ فيه لكن شي جميل ♥ ♥
بعدها شريت الأحمر والنيود… بصراحة النيود مو مرة عاجبني بس ينفع لو أبغا أسوي نفسي مريضة وكدا..
لكن الأحمر هو عشقي الحالي… غالبا موجود بجيبي…
سواتش الألوان كاملة من www.mybeautybunny.com
على الفم من مدونة http://hudabeauty.com
يطلع كمان جميل مع موضة الـgradient lips الكورية … عني أستخدم مرطب للشفايف بلون مشمشي أو وردي
و بالنص اللون الغامق الجميل لشكل أنعم ولترطيب أكثر ♥
الصورة و الطريقة من http://www.youtube.com/watch?v=4xLO8_0W7pU
طبعا أنا ما أحب طرقهم تبين الفم متشقق أحب أسويها بطريقتي المرطبة العملية السهلة أكتر…
وهنا طريقة كمان من http://www.frontrowbeauty.com/gradient-lips-tutorial-chanel-rouge-allure-velvet-42-leclatane-spring-2013/
مشكلتي الوحيدة مع الشي دا أو مع كل شي ينحط ع الفم عموما .. لمن ما أقشر فمي … كابوس يصير
فدايما احرصي قشري فمك بسكر وفازلين وعسل قبل تحطي أي شي عشان المنظر مو محبب دونهم ♥
وشكرًا لكم ♥♥♥
عاد وعدت نفسي إننا ننزل٣ تدوينات مايقربو لبعض كل أسبوع ~ شجعونا ووهوو ~
ليست هناك تعليقات:
إرسال تعليق