السلام عليكم ورحمة الله وبركاته
وأخيرًا فتحنا المُدونة! إحساس جديد و مُنتعش!
عارفين الإحساس دا، لمن تعمل شي إنت تحبه وتعشقه .. راح تكون بشكل ما شغوف فيه، وتحاول بكل جهدك تشتغل عليه ليل ونهار! بالضبط إحساسنا الآن!
الفكرة بدأت من شي بسيط .. مانعرف كيف لكن بشكل ما لقينا نفسنا مشدودات أكثر وأكثر كل يوم ومتحمسات!
يوم بعد يوم بدأ الموضوع يتحول جد ، وبدأت أفكارنا تطلع أكثر وأكثر ! حاجة جميلة :"$
.
.
.
,
يوم مشمس؟ اعثر على شمسك!
قررنا إننا نكتب بشكل مجهول -نوعا ما- عن الأشياء اللي تبعث بالسعادة!
بالغالب مو شرط ماديات ممكن أشياء روحانية ، أفكار .. حياة .
رينا وتامي ، في الغالب تقدرو تقولو أخوات ماعمرنا شفنا بعض؟
الحياة بدأت تضيق شيئا فشيئا، التعب و الإرهاق اللي نعانيه من أقل مشكلة أو حادثة تحصل خلانا لفترة عايشين بقلق!
في الغالب يومنا يضيع بالتفكير "كيف لو كنا بحال أفضل" .. وهكذا تضيع أيام من عمرنا! دون أي إحساس غير التعاسة..
قررنا نفتح المدونة الجميلة دي لنمضي فيها وقتنا، نكتب خلاصة أفكارنا و نلخص فيها تجاربنا
ونكتب عن اللي نحبه بالفعل!
أقسام المدونة :
الحياة اليومية بكل بساطة ، أفكار في محاولة مستميتة للبعد عن الحلطمات ! نقدر؟
السعادة دايما تحتاج تتغذى عشان تكبر! تدوينات ملهمة في روحها خفيفة على القلب!
أفكار بسيطة لنسويها بأنفسنا !
دراسة ، تنظيم والكثير من الخرابيط الممتعة!
أناقة؟ أزياء؟ دايما بنحاول نكتب عن ملابس مناسبة للجميع ، ضروريات وغيرها
عالم الميك أب - العناية بالبشرة ، خلاصة تجارب و أفكار !
و أقدر أتفهم مو الكل يحب الميك أب وحوسته! وهذا بالضبط اللي راعيناه عند اختيار التدوينات
لأني متأكدة إنكم بتحبوه معنا~~
تحبي الكي بوب؟ هنا المكان المناسب ! راح نغطي الكثير من أزياء عودات الكيبوب وممكن نوفر أزياء "مستوحاة" منها بشكل قابل للإستهلاك الآدمي!
مين مايعشق الموسيقى؟ هنا بنكتب عن مجال نعشقه وهو الموسيقى .. بأي لغة ولأي مغني!
تقييم للألبوم / الميوزك فيديو من كل النواحي~
أحب أسميها غنايم الحرب! فعلا التسوق متعة وحرب !
بننزل معلومات وصور بسيطة عن مشرواتنا الأخيرة / المكان / السعر / وبنحاول توفير بديل للطلب أون لاين كمان
واضح من اسمه طبعا! ~ مفضلاتنا لكل شهر من كل النواحي
ملابس ، ميك أب - ميوزك - أفكار وغيرها!!
مبدئيا إن شاء الله هذا اللي راح نمشي عليه~
لأي طلب لتدوينة محددة أتمنى تتواصلوا معنا عبر حسابنا على تويتر وبنكون سعداء جدا بأفكاركم !
رجاء تابعونا عبر الشبكات الإجتماعية .
