طبعًا كثير مننا يعرف اليوتيوبر الجميلة ميشيل فان (Michelle Phan)!
من يوم ما عرفت المكياج وأنا أتابع كل فيديو ينزل لها، تفاجأنا بفترة قريبة نوعا ما بمجموعة خط التجميل الخاص بها بعنوان emcosmetics .
جدا تحمست لتجربته… وقررت أطلب باليت الأيشدو/بلش الكبيرة وحبيت ألوان الباليت بعنوان "beach life"
أشتريت كم منتج ثاني من عندها لكن حبها أخصص هالتدوينة لهالباليت لأنه أحسه بيغني عن حاجات كتيييير للي مايحبو يحتفظو بكميات كبيرة من المكياج عندهم…
طبعا جا بتغليف أكبر نسيت فين حطيته + كتيب صغير فيه أفكار لإستخدام الألوان و مرمزة بالأرقام..
+ علبة أصغر تكفي لمجموعة وحدة من الأربع .. فرشة مشطوفة/دمج + شي ما أعرف إيش إسمه لتحريك الألوان
صورة أقرب للألوان .. كل مجموعة من الأربعه تحتوي على الألوان الخاصة بلوك كامل
الأيشدو + الإضاءة للعين + البلش + قلوس + روج .. طبعا في خيارات مات/شيمر لكل مجموعة
#الأولى جميلة ومناسبة للسهرات الخفيفة! ♥
#الثانية ( المفضلة عندي) تناسب السهرات الكبيرة/ ممكن صباحية لو أستخدمتيها مع ألوان مات من مجموعة ثانية
وأحسها تغني عن باليت نيكد٢ ♥ ♥ ♥ ♥
#الثالثة صيفي وجميل ، ما صار عندي فرصة أستخدمها بصراحة بس أكيد لي جلسة معها بالصيف
#الرابعة مفضلة كمان أحب البنيات جميلة جدا جدا للسهرات و الحفلات ♥ ♥ ♥ ♥ ♥ ♥
سواتش للبلش شايفين أول لونين على اليمين ؟ ♥ ♥ ♥ ♥ ♥ ♥ ♥ ♥ يجننو!
سواتش لبعض الشادوز كنت مصورة واحد بس حسيت الإضاءة بالكاميرة ظالمة اللون فجبتها من الموقع الرسمي
طبعا ماينفع أبدا أبدا ينحط دون برايمر قبل.. جدا سيء دونه..
صورة للفرشة اللي تجي معاه.. ماعجبتني صراحة بس مشيت الحال وأستخدم ريل تيكنيد أو فرشة نيكد٢ أحلى
وطبعا العلبة الصغيرة اللي جت معها حببتني بالباليت أكثر وأكثر .. لمن سافرت لمدة يومين أكتفيت بإني أخذ الألوان اللي أحبها من الباليت بدال الزحمة .. يعني وفرت مكان الشادو + البلش !
أشياء حبيتها بالباليت :
- عملية جدا جدا وتوفرلك حاجات كثيرة بعلبة وحدة.
- ممتازة للسفر و التنقل الكثير.. تغنيكي عن باليت نيكد١ و ٢ ويمكن يمكن ٣ كمان لأنه في كم لون وردي جميل..
- في كذا خيار غير الـbeach life. وفي علب أصغر لو ماتحتاجي الشي الكبير حبيت خياراته كثير وتناسب إستخدامات ناس كثير تقدرو تشوفوها من هنا
إيش اللي ماحبيته؟
- سعرها كان نوعا ما مبالغ فيه (٧٥$) مع إني أخدتها بتخفيض وأتوقع نزلو سعرها لـ٦٠$.
- مو كل الألوان أتوقع بستخدمها… خصوصا الورديات مو صديقتي..
- التغليف ماعجبني … أحب الأشياء الملونة أكثر من البيضا مرة.. ضيع فخامة الباليت بنظري!
تقييمي له على كل 9/10 ♥♥
قريب emcosmetics صارت توفر شحن لخارج أمريكا! وأخيرا تقدرو بالسعودية تطلبوه أو تطلبوه من مندوبات يوفروه لكم! شي ما يتفوت بصراحة!
و أي سؤال اتفضلو من هنا أو على الإيميل business.sunnyday@gmail.com
من اول عاجبتني منتجات الشركه هذي بس حمستوني اكثر اطلب منها ���� موضوع لطييف
ردحذفلها منتجات كتيييير جميلة ! تستاهل التجربة! بالتوفيق *.*
حذفعندي سوال كيف طلبتيها انتي؟
ردحذفأهلين، طلبتها كنت برة السعودية :)
حذف