Summer Haul || مشتريات الصيف ♥ #Lush #TheBalm #MAC #Sephora #W2beauty

مرحبا بالجميع ♥ مرت فترة طويلة من آخر تدوينة! وأخيرًا رجعنا،،

طبعًا أفكر بأي تدونة تكون مقدمة لرجعتنا إن شاء الله وطبعا ماجا ببالي غير أمتع من التدوينة السريعة 

عن المجموعة الجديدة من مشتريات الصيف/ تقييم سريع لبعضها! 

مشتريات لاش ♥ Lush 

من فترة أبغا أجربه، و شفته مرة بالمول لكن صراحة حسيت بدوخة من الريحة وقتها هههه! المحل ريحته قوية وأنا بالعادة أدوخ من هالمحلات زي بودي شوب مكياجي ا أي محل روايحه مركزة كدا.. 

ماعلينا قررت أجربه وأطلب منه أونلاين، للأسف الماسكات غير متاحة لأنهم يحفظوها بثلاجات بالمحل وراح تخرب مع الشحن لأنه منتجاتهم طبيعية ♥ 

في منتجات موجودة بموقع لاش السعودية، اللي سمعته إنه تقدرو تطلبو منه ويوصل لكم للبيت لكن تأكدو من الموضوع بأنفسكم ♥ 

مزيل رائحة العرق Aromaco 

سعره: ٥٨ ريال ، هنــا

ريحته جميييلة ومنعشة، جربته ع السريع حسيته موعملي زي العادي، لكن كريحة جميل ذكرني بريحة المستكة؟ ع حسب تجربتي للآن الريحة ماتستمر كثير… يعني تقريبا ٨ ساعات بالكثييير..:( ووقت التمرين جدا غير مناسب، أحس أنسب تحطيه ع بشرة مبلولة حاولت ع بشرة جافة صار يعورني وبشرتي احمرت… بس أتوقع ممكن يكون صحي أكثر من الحاجات المنتشرة.. 
وأستنى أشوف قد إيش بيستمر و كيف النتايج معاه. 

سكرب Ocean Salt للوجه والجسم 

سعره: ١٤٥ريال سعودي (مالقيت سعر العلبة الصغيرة اللي عندي) ، هنــا

إحساسه جميل على الوجه، لسه ماجربته بذمه بس بشكل سريع، ريحته حلوة وبشوف إيش بيسوي فرق في البشرة.. 
حسسني من المرة الأولى بنظافة فظيعة (بشرتي دهنية) … 
وشكله كيووت لونه زي الآيس كريم! حبوبه خشنه شوية فأتوقع تقشيره عميق.. 

أملاح مغطس Tisty Tosty ( الأبيض)

سعرها: ٣٨ ريال، هنــا

عبارة عن شي؟ تحطيه بالبانيو يضيف ريحه، لون ، وفيه مواد مرطبة ومغذية للبشرة ، وأيضا يساعد على الإسترخاء وتخفيف التوتر..

للأمانه شريتها عشان عاجبني شكلها، ريحتها كأنها بودرة؟ وهو جاف، ما أعرف لسه كيف ريحته بالبانيو بس لو تبغو ممكن أكتب تدوينة مخصصة لها.. فيديو لها هنــا

أملاح مغطس Blackberry ( البنفسجي)

سعرها: ٣٥ ريال، هنــا

نفس اللي فوق، ريحتها توت؟ قوية شوية وهي جافة، ماجربتها بالبانيو كيف..  لو تبغو أكتب لكم عنهم ،، 
فيديو لها هنــا

أملاح مغطس Avobath (التفاحي)

سعرها :٣٥ ريال، هنــا

ريحتها ليمووووون!!! شي فظيع أكثر وحدة تحمست أجربها ! شكلها منعشة جدا 
فيديو لها هنـا

بلسم شعر Retread 

سعره: ١١٢ ريال، هنــا

وااااو! ما أقدر أقول غير كدا! جربته مرتين بجد مو متخيلة قد إيش رائع! 

من فترة كنت أترك شعري ما أمشطه ( أسبوعين تقريبا) أحاول فيه يتمشط وجربت بلسمين ثانيين ماعاد يتمشط xD 

أستعملته وخليته ١٠ دقايق ع شعري لين أستخدمت المقشر.. الشعر أتمشط بسهولة وفيه لمعة جميييله 

بس مو متأكدة إذا منه أو من الشامبو 

كتجربه أولى بصراحة جدا عجبني، أستنى أخلص العلبة وأحكيكم إيش يصير 

شامبو Fair Trade Honey 

سعره: أخدت أصغر علبه كتجربة بـ٧٧ ريال، هنــا

زي ما قلت فوق، بعد ما استعملته مع البلسم شعري تمشط بسهولة وصار فيه لمعة حلوة وهجد مكانه بعد اللي سويته فيه الأسبوعين الماضيين xD 

كريم عيون Enchanted eye cream 

سعره: ١٣٨ ريال، هنــا 

جربته مرة بس ماني قادرة أحدد مشاعري، مع الوقت يمكن.. مو تقيل مثل كريم بوبي براون، بنفس الوقت حسيت البشرة ماتمتصه كويس … 

عينه جتني مع الطلب بس مو عارفة لسه إيش الهدف منها!

مشريات سيفورا وماك و ذا بالم - (مو متأكدة من الأسعار في السعودية متأسفة) 

كونسيلر Mac Pro longwear 

أفضل كونسيلر بالنسبة لي، أحتجت درجة أفتح من اللي أستخدمها لكن للآن هو الأفضل .. لا خطوط ولا يتمسح

درجتي NC20. طبعا أستخدمه بعد كوريكتور أورانج من ماك. 

أيلاينر Maleficent Penultimate

بصراحة أنا مو مرة جيدة بالأيلاينر، وكل ما أجيب جيل لاينر أو قلم سايل مايعجبني اللون .. 

هالأيلاينر من مجموعة فيلم Maleficent الخاصة ، سواده جميل وفرشته حلوة ورفيعه! 

بي بي كريم Dior Hydra life 

من سيفورا مجمع العرب بجدة، تقريبا سعره ٢٣٠ ريال. 

ميزته إنه خفيف وتغطيته ممتازة، عيبه بنظري إنه درجاته محدودة،، يعني أتوقع البشرات الفاتحة مالها نصيب لأنه أنا أخدت أفتح درجة من أصل ٣ درجات بس ! 

طبعا أنتبهو بيحاولو يقنعوكم تشترو الثاني (أغلى!) بس الثاني بصراحة أبدا ماعجبني جدا تقيل ويقتل المسام..
هذا جدا مناسب لو بشكل يومي بالدوام يعطي إضاءة جميلة وتغطية خفيفة..

قناع الطحالب (Algae Brightening Mask)

مو متأكدة من سعره بسيفورا السعودية.. 

جربته للآن ٣  مرات  وماحسيت بفرق في نوعية البشرة، لكن حسيت بعدها بنضافة وإنتعاش… 

نكمل تجربه ونشوف.. 

ماسكرا better than sex من Too faced 

جتني هدية مع الطلب ، جمييييلة نوعي المفضل .. تشبه حقت بينيفت ( They're real ) تعطي كثافة جميلة للرموش 

طبعا اللي مايحبو الرموش الكثيفة ماراح تعجبهم بس مستواها يشابه لمستوى  They're real 

ماسكرا Mascara Volume Effet Faux Cils Babydoll من YSL

تعطي شكل طبيعي للرموش، تعطيها طول مو كثافة ، وسهلة بالإزالة أكثر من اللي قبلها 

حلوة بشكل يومي لو ماتحطو مكياج بس تبغو الوجه يبان مصحصح .. هي المناسبة 

باليت Nude 'tude من TheBalm

أتوقع كثير مندوبات بالإنستقرام يبيعوه.. ماجربته بذمة لسه

ماجربت غير لون واحد للآمانه بس متحمسة أجرب الباقي.. حسيتها ناتشورال أكثر من نيكد ٢ و ألوانه قابلة للإستخدام

بس يمكن لو مقارنة شي للدوام والجامعة أنصح بنيكد بيسك أكثر من دي ؟ ما اعرف يمكن أغير رأيي 
.
.

صورة أوضح للألوان 

هدية من جيڤينشي ♥♥♥

مشتريات W2beauty 

قد كتبت عن تجربتي مع هالموقع قبل ، وطريقة التسجيل من هنــا

جد أفضل موقع كوري تعاملا و أسعار وتوصيل ♥♥ 

أغلب مشترياتي هالمرة كانت سكين كير مو مكياج لأنه بشرتي مرهقة جدا مع الإجازة

Collagen Moistfull Mask Sheet من Etude House

السعر: ١٥.٥٣ ريال. هنــا

قناع من مجموعة الكولاجين الخاصة بإيتيود هاوس.. جربت مرة عينة من الكريم الخاص بالمجموعة ومرة عجبني، فقلت خليني أعطي الماسك حقه فرصة.. جربته مرة وحدة ، ترطيبه عالي جدا.. صحيت اليوم الثاني بشرتي بعدها منتعشة و مضيئة.. 

Cherry Lip Gel Patch من  Etude House

السعر: ١٧.٦٠ ريال. هنــا

من أكثر الأشياء المتحمسة لها، زي ماسك للفم يرطب الشفايف ويغذيها، جربته أمس.. كان شي ماشي حاله صراحة مو واو.. مريح بالذات لو تبغي أحد يسكت ممكن تعطيه هو.. أتوقع تقدري تستخدميها أكثر من مرة؟

هنا صورته على سولي من إف إكس 

Please protect my skin mask sheet من  Etude House 

السعر: ١٥.١٦ ريال. هنــا

في منها ٢٠ نوع، اللي جبتهم لؤلؤ؟ ليمون و عسل. 

 Collagen Eye Patch من Etude House

السعر: ١٠ حبات بـ٥٢ ريال. هنــا

برضه منتج متحمسة له جدا *^*.. أحب أريح عيني من الوقت للثاني لأنها ٢٤/٧ شغالة فتصير تحرقني.. 
فأعتقد بتكون إضافة جيدة للروتين.. جربته كمان أمس وحبيته صراحة… عكس حقت شيسيدو هدي تلصق ع الوجه، ترطيبها حلو… ريحت عيوني، حسيت إنه تحت عيني "مضيء" اليوم الثاني.. 

Go Back Mask Sheet من Etude House

السعر: ٣٣.٧٧ ريال. هنــا

متحسفة أستخدمه أغلى قطعة xD عشان كدا لي توقعات كبيرة عليه .. 

أحب الماسك شيتز أحسها تستاهل! 

هدايا وعينات من الموقع :) 

لاتنسو تنزلو تعليقات وتنشرو التدوينة إن عجبتكم♥

إيش المنتج اللي أعجبكم و تحمستو تعطوه فرصة؟ تبغو نكتب تدوينة عن شي من اللي فوق؟ 

أو لكم تجربة مع شي منه؟ ♥♥

 Twitter - Instagram - ASK 

email us @ business.sunnyday@gmail.com