هيلو ~ هيلو ~
تدوينه خفيفه كالعاده و عشوائيييه ، حبيت اتكلم عن شي جديد و متنوع مختلف عن كل إلي كتبنه عنه من قبل
الأغنيه ذي تناسب التدوينه اليوم *.*
!!かわいい
حتى لو ما عندك إهتمام بالثقافه اليابانيه في حاله عندك إهتمام بدوله آسويه ثانيه مستحيل ما سمعت بكلمه " كاواي"
كلمه " كاواي " (かわいい) كلمه يابانيه حديثه تعني "cute,adorable" (لو رجعنا لمعناها حرفياً -حسب ما قرأت-ممكن مثير للشفقه أو يا حرام مرات خخخ)
الكلمه بدا إستخدامها في السبعينات من قبل بنات المدارس ، في البدايه كانت "كاوايشي" مدري كيف تطورت و صارت كاواي (؟)
ما علينا من الكلمه ، لو نرجع للتاريخ شوي قبل الحرب العالميه الثانيه تحديداً ما رح نلاقي لل " كاواي " وجود
اليابانين قبل الحرب كانوا اكثر واقعيه مثلاً برسمهم ما كان فيه مبالغه مثلاً برسم البشر
يعني يرسمون إنسان ياباني بشكله الحقيقي ( حجم العيون الجسم ووو إلخ)
بعد الحرب و بفتره الإحتلال تحديداً تأثروا اليابانين برسمون ديزني (حسب ما قرأت) زي bambi
فتطور الرسم تدريجياً صاروا يكبرون العيون يكبرون الوجه(؟) و يصغرون الجسم الحيوانات تكون منفوخه زي الكوره ووو
إلى ما وصل عليه حالياً بالمانجا و الأنمي
غير إنو بفتره الثمانينات تحديداً طلعت طريقه كتابه جديده إسمها مارو-جي 丸字
بحيث تكون حدود الحروف مدوره شوي و فيه كلمات إنجليزيه عشوائيه على عكس الطريقه التقليده إلى تكون زوايا الحروف حاده أكثر
( قرأت إن فيه مدارس كانت تختبر طلابها بهالطريقه من الكتابه(؟)
تقريباً ذي بدايه التطور و الأشياء المهم إلي ساعدت عليه
المارو-جي
عندنا الأرنب البسه/قطوه التيدي بير "كاواي" بس باليابان كل شي ممكن يصير "كاواي" حتى لو مقرف .-.
عارفين الشكل طبعاً ما يحتاج اقرفكم بس أيوه يسووا اكل على شكله حلاو و كيك ملابس و كل شي كاواي ايش يعرفنا احنا
لو حابين تنقرفون شوفوا هنا و هنا
برضو باليابان ممكن يستخدموا الكوايتته (كاواي تته) للمغازه أو لإظهار الرغبه بأشياء 19+
حتى فيه حانات عندهم بدال ما تستخدم البنات بالشكل المتعارف عليه يطلعونهم بملابس "كاواي" و يتكلموا بطريقه"كاواي" و ئرف الله يقرفهم
decoden
على الرغم إنه مبالغ فيه لكن شي غريب و مثير للإهتمام و ممتع *.*
فن اتوقع بس موجود باليابان (؟) بس لاقى إنتشار برا
يستخدموا مواد بلاستيكيه أشكالها لطيفه و شي زي الكريمه إلى يستخدموها بتزين الحلويات و غيره بالفن ذا و يستخدموا خرز و أشياء تلمع
طبعاً الشي إلي زي الكريمه بعد ما يجيه هوا بفتره يجف و يصير قاسي لكن الغريب إن ريحته نفس ريحه الكريمه حتى بعد ما يجف !!
بالبدايه هو يستخدم بتزين الجوالات و الأجهزه بالعاده بس بدا يستخدم بأشياء ثانيه زي تزين الأضافر وووو ...
مح أطول و أتكلم شوفوا الفيديو
على فكره لو عندكم موهبه بالأشياء ذي جربوه كمشروع صغير ، كل شي تحتاجونه متوفر بالإنترنت و بتلاقوا إقبال عليه بما إنه شي غريب و حلو !!
لو حابين تتعلمون القناه هنا جيده
فن تزين الأضافر (nail art) شعبي جداً باليابان و مميز اكيد *.*
باليابان فيه مجلات و كتب كثير تنشر فقط لهالفن !!
المميز باليابان فيه شي إسمه 3d nail art بدا ينتشر برا اليابان
يستخدموا فيه الـ decoden إلي إتكلمنا عنه فوق و يستخدموا نفس الأشياء البلاستيكيه برضو فيه ولو إنه "مبالغ فيه"
تقدروا تحصلوا أضافر جاهزه بدال ما تسوها بأنفسكم على الإنترنت لو حبيتوها *.*
بس طبعاً لا تجيبوا شي مبالغ فيه شكله بيصير بطال و مزععععج
Fashion
مارح اتكلم عن الفاشن الياباني يبغى له 10 تدوينات طوييله اتوقع عشان اوفيه حقه
بس بما إنى نتكلم عن الأشياء اللطيفه عندي حشه بصراحه خخ
اليابانين مرررررره يبالغون باللبس و عندهم عمى ألوان أتوقع لمن نجي لهالنقطه !!
الألوان الفواتح (الوردي ، البنفسجي ، السماوي ، الأخضر ، الأصفر) كلها يلبسون مره وحده بغض النظر عن ستايل اللبس عشان كاواي
اتوقع إنها الألوان الرسميه لأي شي "كاواي" ؟
ممكن اللبس يصير كاواي زي ما تبغون بس بدون الزحمه ذي كلها يعني خخخخ
Kyaraben
يقولوا فيه ولد باليابان امه أعطته بينتو (صندوق الأكل) بالمدرسه و كان الأكل إلى جواه مزين على شكل شخصيات كرتونيه و غيره
الطلاب بالفصل أعجبتهم الحركه و قالوا لأهلهم يسوا البينتو حقهم نفس كذا
الفن ذا بدا تقريباً عام 1990 عشان يفتحوا نفس الواحد ياكل اتوقع خخخ
شي يبغا له دقه و فكره عشان يطلع بشكل حلو و يشهي *.*
لو تحبوا الاومورايسو و حابين تسوه بشكل لطيف هنا
خوذوا لفه على القناه جيده
يا ليت تدعمونا بفالو على التويتر و نشر تدويناتنا
ليست هناك تعليقات:
إرسال تعليق