.
.
.
.
أول Tutorial بالمدونة ! إحساس جيد نوعًا ما أحس بتقدم !
عموما، من فترة وأنا مخططة للتدوينة دي وأخيرًا أكتبها! لأني طورت مكياجي اليومي بشكل كبيييير عن زمان
نوعا ما أنا ما أرتاح لوجود الميك أب بوجهي بالصباح! خصوصا إني ملكة فرك العين وتخبيص الدنيا بالصبح ..
وصف بسيط لوضعي واتوقع نسبة كبيرة ممكن تشبهني
الكحل برغم جماله إلا إنه يسبب لي مشكلة ما يروح زي الناس لمن أمسحه وأصحا اليوم التاني هالاتي سيئة أكتر من العادة! ما احب العنف مع العين ..
ما أحب أبان أوفر.. بس شي طبيعي وسريع بالصبح! وما أحب أستخدم منتجات كتير لأنه مافيا !
في كم منتج ذكرتها بس نسيت أصورها مع حماسي للمكان الجديد للتصوير لول
أول خطوة طبعا أغسل وجهي بصابوني الجميلة، أنشف وجهي بالمناديل.. أكره المناشف أحسها بيئة خصبة لتكاثر البكتريا = حبوب ومشاكل بالبشرة .. فأتجنب أستخدم أي شي مرتين ! و أحط كريم العيون تكلمت عن المنتجين بالتفصيل هنـا
بعدها نبدأ خطوة حلوة سريعة عشان المكياج يثبت و عشان المسام الواسعة ..
أول شي أستعمل بيس Clarins Beauty Flash Balm *نسيت أصوره* ماعندي فكرة عن سعره صراحة جاني هدية بدل نقاط وحبيته
بعدها أستعمل منتج POREfessional من بينيفت موجود بسيفورا وسعره حوالي الـ١٢٠ ريال حسب ما أتذكر
أو ممكن تطلبوه أونلاين من سيفورا بـ٣٠$ غير الضرايب و التوصيل من هنـا
أحب أطبطبه على الأماكن اللي مسامي فيها واضحة * أدري قرف سوري* زي جنب الأنف و الخد ..
هالاتي سيئة جدا في بعض الأيام عشان كدا أستعمل كونسيلر Studio Finish من MAC *نسيت أصوره*
تقريبا سعره بالسعودية اليوم *كل شوية تتغير سعر المنتجات نفسي أفهم الفكرة!* ١٥٠ ريال .. بينما تقدرو تطلبوه أونلاين ب ١٨$ والتوصيل مجاني xD
ما أحب الكونسيلرات الكريمية بصراحة ، بس هو أنسب لون لدرجة وجهي الحالية من الموجود عندي * أحس إني سحلية لي كم درجة لون وكدا .. بس دا الواقع للأسف لول*
أستخدم أصابيعي الجميلة بدي العملية، أحتاج حرارة يدي عشان أقدر أتحكم بالكونسيلر الكريمي ..
أعطي فيه الهالات بالطبطبة .. لين هنا النتيجة ما ترضيني ..
فأستخدم اسفنجة مكياج نوعا ما رطبة ومعصورة كويس عشان أقدر أتحكم بالكونسيلر أكتر و أحصل على النتيجة اللي أبغاها ~
كفاونديشن يومي وقعت بحب Hello Flawless من بينيفت! جميل من عدة نواحي
تغطيته خفيفة لمتوسطة ، خفيف جدا على الوجه ماتحسي أساسا بوجوده! سائل تماما وتقدري تتحكمي فيه
أستخدم معاه فرشة سيقما F80 وأبدأ من خارج الوجه للداخل .. منطقة الذقن للخد مقدمة الراس للجبهة وهكذا
ما أحب أبدأ من الوسط احسه توو متش يصير وطبعا لا تنسي الإذن و الرقبة!
و مو باقي كتير ~ بودرتي الجميلة للأنف و الـT-zone عموما عشان منظري
Photo Set Finishing powder من Smash box للأبد هي المفضلة ~
فرشة بودرة كبيرة ولمسة منها ~
بس أكمل النواقص بحواجبي لا أكثر ..
الرقصة ما قبل الأخيرة ~ ماسكرا جميلة من بورجوا *موجودة بسنتر بوينت*
أحب الماسكرا دي طبيعية جدا ، أحطها فقط ع الرموش العلوية تصير مرتبة وجميلة * لاتنسي الشي اللي ترتبي فيه رموشك قبل* ممكن تحطي كذا طبقة من الماسكرا وتطلع ممتازة .. احب إنها تروح بسرعة مع المزيل تنفع لشكل يومي خفيف..
وأخيرًا شي جديد مفضل وهو ليب تينت من Too Faced
" Lip injention color bomb! " بدرجة pump it up pink - hot pink
عني ما أحب الألوان الخفيفة على شفايفي حاليا احسها تمرض الوجه .. أخترت اللون الجميل دا من توفيسد
وقلت أجربه! وفعلا ماندمت ناوية أشتري باقي الطقم لمن أروح أجرب ألوانهم بالمحل!
اللون ثابت طول الدوام + شفايفي مرطبة .. بطريقة ما صار فمي ممتلي ومتوازن .. مشكلته يحرق شويييية بالبداية!
عني وبشكل يومي مو مرة صديقة للبلش أحب وجهي صافي و حاجة خفيفة تصحي عيني وفمي لا أكثر !
وبس دا اللي عندي ، شي سريع ولطيف ومع الوقت ما بياخد ربع ساعة إلا وإنت جاهزة ~ جاجانغ
لاتنسو فولو على تويتر + انستقرام! وأنشرو التدوينة عشان نحبكم ٣>
ليست هناك تعليقات:
إرسال تعليق