نصائح لتطوير لغه ، إيش أحتاج ؟ + تحدي تعلم لغه جديده

و أخيراً إستجمعت نفسي عشان أقدر أكتب شي جديد بعد موجه غريبه بدماغي مرت على خير

اممم التدوينه ذي تقريباً تجربه شخصيه مع تحدي ، مو عارفه إذا ممكن أفيد أحد لكن بكتب...

بالبدايه أنا مغرمه باللغات صحيح ما عندي خلفيه عن كثيير لغات لكن "اللغات" بشكل عام لها صوره حلوه بدماغي ، بإختصار أشوفها شي ممتع و تفتح أبواب و مجالات كثييير قدام الواحد ما كان بيوم يتخيل إنها موجوده و بما إني إتخرجت هالسنه من الثانوي و ما أفكر حالياً أدخل جامعه أو معهد و طبعاً بدال ما امر على ارضيه كل غرف البيت و انسدح فيها و أتفرج على الناس و هي تمشي حياتها أو اضيع وقتي بأشياء مارح تفيد و الأهم أتفادى موجات الكأبه و الموجات الغربيه إلي تعصف بدماغي بين فتره و ثانيه قررت أسوي تحديات أولها أطور لغه / أتعلم لغه ، رح أخذ الموضوع كتحدي بيني و بين نفسي بما إني من النوع إلي يمل بسرعه و يحتاج تشجيع ...

لغتي الإنجليزيه متوسطه و بما إني مثل ما قلت مغرمه باللغات فطبعاً مارح أرضى بمستوى متوسط !

مارح أحتاج طرق مبتكره عشان أطورها لكن بكتب أفضل الطرق إلي إستخدمتها من أول ما بديت أتعلمها ورح استمر عليها إن شاء الله لمن أخر يوم من التحدي.

طبيعي بكل لغه بيكون فيه كم هائل من الكلمات إلي لازم أحفظها و أعرف معناها و كان مجرد التفكير بالكم الكبير لذي الكلمات يخليني أبكي خصوصاً إني بلغتي الأم أكتسبت ذي الكلمات ما حفظتها كذا غير إني أحتاج أتعلم اللغه بفتره زمنيه محدده !!!!

1. إختاري 10 كلمات كل يوم أحفظيها كويس طلعي معناها و ضدها طبعاً بنفس اللغه إلي تتعلمينها لو بالعربي ما إستفدنا شي !!!!

أكتبي 3 جمل تحتوي على هالكلمه و ثلاثه جمل تحتوي على ضدها ( حاولي تنوعين بنوعيه الجمله ممكن سؤال مثلا )

صح تتعب شوي بس بالنهايه إيش أستفد ؟

1. حفظت الكلمه كويس و ثبتها بدماغي

2. طورت / ثبت / تدربت على قواعد اللغه لمن كتبت الجمل

3. عرفت إستخدامات الكلمه ، وين أستخدمها ؟ كيف أستخدمها ؟

الطريقه هذي كانت تستخدمها معلمه الإنجليزي بالثانوي و فادتني كثثثير و زادت إمكانيه حفظي للكلمات بوقت قصير و اكسبتني مهارات ثانيه

2. عشان تتطور اللغه بطريقه صحيحه لازم نتفاعل مع أشخاص يتكلمون اللغه إلي إحنا نطورها

الأغلب عنده حساب تويتر و ببساطه أقدر أتابع أي أحد له نفس إهتماماتي بس يتكلم بذي اللغه و ممكن أتفاعل معه و طبعاً عنصر التفاعل شي مطلوب عشان اكسب ثقه و اطور مهاراتي

شي بسيط بس إيش بستفيد ؟

1. تطوير / تثبيت / تدريب على القواعد أشوف كيف إلي قدامي كون الجمله و كيف إستخدم الكلمات 

2. كلمات جديده بتدخل بقاموسي

3. إتعودت على اللغه فلمن أحد يكلمني برد عليه بسرعه أكبر مع الوقت بدال ما اجلس ساعتين اصلح بالجمله صح غلط و ارد و أنا مو واثقه بنفسي

3. لمن تقولين لأحد أبغى أتعلم إنجليزي يقول لك إتفرجي أفلام هي طريقه صحيحه لكن اشوف إن أفضل الواحد ما يحصر نفسه بالأفلام خصوصاً إن اللغه المستخدمه بالفلم بتكون مرتبطه بالمحيط أو جو الفلم نفسه لو كان خيالي بتكون الكلمات مرتبطه بالسحر و الخيال مثلا غير إني ممكن أنسى الكلام و أركز على قصه الفلم  .... 

ببساطه شوفي فيديوات منوعه باللغه الإنجليزيه " طبعاً فيديوات مو تعلميه " زي مثلاً فيديو وحده تسوي تسريحه أو أحد يشرح فوتوشوب او إتفرجي فلم مترجم إنجليزي " لو كانت اللغه المستخدمه بالفلم مثلاً ياباني بس ترجمه إنجليزي بتحاولين تقرين بسرعه و بتركزين على الترجمه بنفس الوقت على عكس لو الفلم إنجليزي و مترجم بعربي " ببساطه عودي إذنك عليها 

صحيح مو طرق جديده لكن إعتبروه تشجيع و جربوها ^^

بالنسبه للغه الإنجليزيه حابه أنصح بـ diary of a wimpy kid موجوده جميع الأجزاء بمكتبه جرير ، مكتوبه بلغه بسيطه صحيح مو تعليمي لكن جداً ممتاز لتطوير اللغه فيه رسومات تساعد على الفهم ، قرأته بصوت مسموع بيحسنك من نواحي كثيره و برضو بتتعلمين القواعد خصوصاً إن قواعد اللغه الإنجليزيه تلخبط شوي فلمن تكتسبينها مو تحفظينها طريقه أسرع لتطوير مستواك و ذي نصيحه قالتها لي معلمه الإنجليزي إلي كانت تدرسني و فعلا أعطت نتيجه ممتازه معي

و بالنهايه مهما كان مستواك مو كويس بلغه دام إنت حابه تطورينها فلا تستحين من أحد اكتبي فيها و إتكلميها لمن تتقنينها ، محد بيحشك لأنو محد أنولد يعرف كل شي و بالعكس بيجونك ناس يصححون لك أخطأك و ينصحونك

تحدي اللغه الجديده 

دايماً معجبه بالناس إلي تتكلم أكثر من لغتين و طبعاً أبغى أصير منهم فقررت أتعلم لغه جديده مارح اضيع وقتي بس بتطوير لغه وحده و ذا تحدي ثاني بلحاله 

اللغه إلي أبغاها *بالنسبه لي* 

1. لغه أحبها / معجبه فيها

2. عندي خلفيه عنها 

بالبدايه إحترت بين الياباني و الكوري لكن بالنهايه ثبت على الكوري ، ما عندي طريقه معينه أتعلم فيها لكني بعتمد على نفسي بدون كتب بس من النت !!

التحدي بيكون لمده 5 شهور بتعلمها بذمه و ضمير و رح استخدم فيها طرق منوعه لكن متوفره دائماً عشان أكتب عن تجربتي الشخصيه هنا و الكل يستفيد منها ، إلي حاب يتحدى معي بيكون حماس اكثر و بنستفيد اكثر من بعض *^*

بعد 5 شهور رح أكتب عن تجربتي بالكوري و تامي بالياباني 

 إلي حاب يتعلم كوري يكلمني تويتر و رح أعطيه خطتي الحاليه  و أشياء ممكن يستفيد منها