مستوحى من: Jessica ♥ SNSD

السلام عليكم ! ♥

وأخيرًا طردت الكسل وبدأت أكتب التدوينة.. بصراحة مأجلتها من فترة :(

من فترة لفترة أحب أتفرج ع أناقة الفنانات و أحاول ألعب باللبس .. مستحيل أجيب ١٠٠٪ يشبهه دا من إختصاص رينا ماشاء الله عليها.. لكن أحب أدور أشياء مستوحاة منهم بستايلي أنا ♥♥♥

لأول مرة بتكلم عن أكشخ وحدة بالكيبوب.. ممكن بس أجلس أتفرج ع ملابسها مع إني مو فان لها أبدا

للتوضيح فقط..أنا لا فان ولا أنتي لسيكا.. لكن بالنسبة لي أعتبرها أكثر شخص أنيق بشكل مقبول بالكي بوب

صح في فنانات كثار أنيقات، لبسهم مكلف بس غالبًا مستحيل تلقي نفس القطع أو مستحيل تنلبس بالحياة الواقعية!

سيكا تجمع بين الذوق و الأناقة المقبولة واللي ممكن تلقي نفس القطع ، الأفكار و البساطة بكل مكان لو دورتي بعقل!♥♥♥

ماراح أطول بالمقدمة، ونبدأ!

♥

جيسيكا هنا حضرت عرض فيلم بلبس جدا بسيييييييط

بنطلون جينز غامق جدا بسيط بتلقوه بأي مكان وأتوقع ٩٥٪ عندهم نفس البنطلون في مكان ما بالدولاب

إن ماكان عندكم فـ American Eagle يوفر قريب منه بـ٤٤$ (١٦٥ر.س) من هنا، طبعا أميركان إيقل معروفين بجودتهم الرائعة في الجينزات.. أتوقع إستثمار ممتاز

ولو حسيتو إنه السعر مبالغ فيه وتبغو شي أبسط بتلقو أخوه في Forever21 بـ٧.٥$!!!(٢٨ ر.س) من هنـا

وجربته بنفسي جدا مريح باللبس! بس ما أعرف كم بيدوم! أنفجعت لمن شفته بهالسعر وأنا أشتري! ماقدرت أضيعه!

البلوزة نفس الموديل لكن بقماش أفضل لقيتها بـAmerican Eagle بتقريبا ٣٥$ (١٣١ر.س) من هنـا

و السكارف سر أناقتها هنا، طبعا أي لبس عادي لو لبستي عليه سكارف مرتب بيصير فخم #قاعدة

وراح أختلف شويييية عن لبس سيكا فوق وأختار سكارف بلون أغمق عشان بس أحسه بيعطي للبس حياة أكثر من اللون الفاتح!* هي أعتمدت هاللون الغامق بالشنطة لو تلاحظو بس سوري عاجبني السكارف*

من Forever21 بـ١١$ تقريبا(٤٢ ر.س) من هنـا

و إن حبيتو تتكلفو زيادة باللبس فسكارف من Marc Jacobs بيفي بالغرض

سعره ١٣٨$ (٥١٨ ر.س) من هنـا

أو الخيار الأريح و اللي بتقدري تستخدميه بكل مكان وزمان وعمره ما بيبطل وبيليق ع كل لبس وراح أموت عشان يجي الخريف القادم وأجيبه وهو سكارف Burberry البني ♥♥♥♥ من أروع منتجات الحياة أعتقد جدا مرتب

سعره ٢٩٥$ (١١٠٧ر.س) من هنـا

وطبعًا عن نفسي أتكلم، لكن جدا أحب لون يكون دخيل ع اللبس، أحسه بيكون جميل

فأخترت شنطة من Michal Kors سعرها ١٩٨$ (٧٥٠ر.س) من هنـا

وأخيرًا وعشان جنون الـUGG اللي داير بين البنات، نفسي سيكا أخترت شي مريح بلون جملي؟(إسم لون صح؟)

سعرها ١٠٠$ (٣٧٥ ر.س) من هنـا ♥♥

وخلصنا! عارفة اللبس مرة بسيط ومالي داعي وأنا أكتب تدوينة كاملة عنه

بس حسيته ملهم ♥♥♥♥♥♥

المرة القادمة عندكم حرية التصويت/ أذكرو إسم الفنانة اللي تبغو نستوحي لبس منها بالتعليقات وراح تكون تدوينتنا القادمة مخصصة لها! وحلو لو تبغو ترفقو صور لستايلات لهم عجبتكم مع التصويت!

1. F(x) Krystal

2. T-ara Hyomin

3. Sistar Bora