أهلين بمتابعينا الأعزاء،
مرت فترة طوييييلة أحس من آخر تدوينة، سوري بس مشاغل الدنيا عاد..
يمكن ماتعرفو بس إحنا معجبات مرررة بمستحضرات التجميل الكورية! دايما مميزة وخفيفة! بس العادة المواقع الكورية تستفزني لأنه أسعارها جدا مبالغة عن الأصلية + التوصيل دبل سعر المشتريات..
رينا أرسلت لي موقع w2beauty ،، تصفحت الموقع وتفاجأت فعلا منه أسعاره أرخص من مواقع ثانية كتير و اللي فاجأني أكثر إنه لقيت التوصيل مجاني!!!!!!! ماصدقت بصراحة وراسلت الموقع وأكدت إنه التوصيل مجاني!!!
قررت أعطي الموقع محاولة وطلبت كم قطعة على سبيل التجربة بتاريخ ٢٣ فبراير.
مشاهدة بسيطة للمشتريات
Etude House - Precious Mineral BB Cream Cotton Fit
SPF 30 PA ++ Whitening
بي بي كريم من إيتيود هاوس * أسميها ماركة دارا مالي دخل*
الدرجة :٢ بالموقع . W13
السعر: 19.5$ =73 ريال سعودي
حماية من الشمس: ٣٠
المنتج هذا استعملته سولي من إف إكس بفيديو get it beauty self من هنا
متوفر منه ٤ درجات بالموقع - سواتش من النت // من etudehouse TH blog
تجربتي المبدئية//
بصراحة لسه ماخرجت فيه، جربته على وجهي بالبيت وجلست بيه تقريييبا ٦ ساعات؟
جربت بي بي كريم كتير منها الكورية من skin79 و Missha وماعجبني أبدا لأنه رمادي يخلي وجهي!
والماركات العالمية زي قارنييه تكلمت عنه هنا إلى Maybeline DreamFresh BB Cream وهو الوحيد اللي تقبلته.. بس لسه ما كان اللي أطمح إليه لأنه يشوه الهالات ما يخففها..
كنت أحتاج شي يومي بسيط مو تغطية بيرفكت وفيه حماية ضد الشمس..
لمن جربته كان خفيف ع الوجه لدرجة نسيت إنه موجود و أتذكرت قبل أنام .. تغطيته أقرب للمتوسطة و يخفف من الهالات بس مايخفيها تماما…
أزعجني فيه إنه جاي ع أندرتون دافي .. ما لاحظتها بوجهي عشان إضاءة البيت.. بس أتوقع بتبان بالشمس؟ راح أتأكد وأعطيكم ريفيو كامل بعد التجربة
المنتج أيضا يدعي إنه مضاد للإسمرار؟ و يفتح البشرة مع الوقت ..
طبعا كأي بي بي كريم ما ينحط ع كامل الوجه ، شوفو الفيديو سولي كيف حطته،، عشان كدا أنتبهو أي درجة تختارو!
Etude House - Pop Color Tint Mini shiny
تينت من إيتيود هاوس كمان،
الدرجة: ١٠
السعر: ٨.٥١$ = ٣٢ ريال.
يذكر إنه الموجود ميني للمنتج مو منتج كبير!
حماية من الشمس: ---
سواتش من الموقع
زي ماتلاحظو يضبط بشكل كامل و حلو كمان للGradiant Lip اللي مشتهرة مرة بكوريا هالفترة مع
إنها تطلع الفم كأنه متقرح بس أتوقع في ناس تضبط عليهم ليطلعو بشكل طبيعي
طريقتها هنا
تجربتي المبدئية//
شي لطيف جدا، بصراحة ما أتجرأ أحط تينت ع فمي لكن هالمنتج كان جدا جميل واللون اللي اخترته كان جدا طبيعي…
طبعا لي كتابة مطولة عنه لمن أجربه بضمير!
Etude House - Kissfull Lip Care Scrub
سكرب الشفاه من إيتيود هاوس…. كمان
الدرجة : ---
السعر: ٧.٥٦$= ٢٩ ريال سعودي
حماية من الشمس: ---
تجربتي المبدئية//
ماجربته للآن لكن بجربه باليومين القادمة إن شاء الله،،، بحاول أسوي مقارنه بينه وبين Fabulips من Bliss.
لأني بصراحة أكسل جدا إني أسوي شبيهه اللي بالبيت (سكر/ زيت زيتون-فازلين-عسل) لأنه حوسة :|
Etude House - Dear Girls Lip Balm
مرطب شفاه من إيتيود…. سوري كمان
الدرجة : ٣
السعر: ٨.٥١$ = ٣٢ ريال سعودي
حماية من الشمس: --
تجربتي المبدئية//
أجمل شي أشتريته!!!!!!! أتعب وأقول رووعة! شكلي بقش باقي الألوان لأنه بجد رااائع مستحيل ألقى شي بترطيبه و شكله على الفم!!!
يطلع روعة من التينت اللي فوق بال Gradiant Lip…
طبعا كل شويتين أحط منه ريحته شكله كل حاجة فيه كيوت !!!!!
الشي الوحيد اللي زعلني منه إنه مافيه حماية ضد الشمس :( الحلو مايكمل! بس برضه بشتري الباقي …
Etude House - Drawing Eye Brow AD
قلم حواجب من إيتيود
الدرجة : ١
السعر: ٥.٣١ = ٢٠ ريال سعودي
حماية من الشمس: ---
سواتش ~
صورة من
تجربتي المبدئية//
ماجربته بذمة صراحة لأني جبت واحد غيره من بينيفت بالغلط لأني نسيت إني طلبت ولكن أرتحت معاه :/
لكن عجبني طرف الفرشة ….
يبغالي أجربه بذمة ، حلو إنه طرفه كأنه فرشة مشطوفة ، إبتكار… مقارنة بحق بينفت اللي كل شوية أبريه فدا ميزة …
قناع من إيتيود كمان متحمسة لتجربته مرة اليوم!!! مع إني معرف ليش طلبته ..
هذي طلباتي ~ طبعا مع كل طلب بتوصلك عينات لمنتجات ثانية.. ورسلت لي حلاوة*.*
كيف تطلبي من الموقع ؟
تحتاجي لتسجلي بالموقع:
- بطاقة فيزا / ماستركارد أو حساب بالباي بال -- هنا شرح وافي عنه.
- تعرفي عنوانك بالضبط أو صندوق البريد.
- رقم جوال ممكن ينوصف له العنوان أو يدقولك عليه لأنه كثير في توريطات مع البريد بالسعودية.
طريقة التسجيل؟
أفتحي الموقع ، أختاري المنتجات اللي تبغيها… أضغطي على My Cart
من هنا تبدأي تعبي البيانات … الإسم العنوان الإيميل وأختاري حفظ …
بعدها تجي مرحلة تختاري طريقة التوصيل --
التوصيل مجاني تماما أخد قرابة الـ ١٥ يوم ليوصلني..
بإمكانك تختاري خيار تتبع الشحنة بس بتدفعي تقريبا دولارين ونص = تقريبا ١٠ ريال لو تبغي خيار تتبع الشحنه لو تبغي تتطمني فين شحنتك بالضبط…
في خيار ثالث للشحن بيوصلك عن طريق شركة الـ EMS خلال ١~٤ أيام بس سعره بيكون ٢٥$ = ٩٤ ريال سعودي
و هالشركة مضمونة جدا بالشحن *.*
والآن الخطوة الأخيرة طريقة الدفع
فقط تختاري الطريقة اللي تناسبك… إما بحساب البايبال ، أو عن طريق تدلي رقم بطاقتك والإسم ….
وبس !
خلال يومين ~٣ بالكثير بتجيكي رسالة من صاحبة الموقع إنه منتجاتك تم شحنها!
أي استفسار عندكم أو مشكلة راسلو صاحبة الموقع Alice، تفهم إنجليزي، وجدا جدا لطيييفة ومتعاونة!
بالتأكيد بيصير هالموقع هو موقعي الأول لشراء المنتجات الكورية….. إنت فين من زمان!!!!
وشكرا لكم ~
لاتنسو تشاركو التدوينة إن عجبتكم، أي استفسار يخطر ببالكم أنا موجودة!
ليست هناك تعليقات:
إرسال تعليق